Петропавл қаласы бойынша ОРАЗА және НАМАЗ кестесі

Сәуір 23rd, 2020

Петропавл қаласы бойынша ОРАЗА және НАМАЗ кестесі

ҚАСИЕТТІ РАМАЗАН АЙЫНА ДАЙЫНДЫҚ БАРЫСЫ ТАЛҚЫЛАНДЫ

Сәуір 21st, 2020

ҚМДБ Солтүстік Қазақстан облысы бойынша бас имамы Кенжетай қажы Дүйсенбайдың төрағалық етуімен  қала мен ауыл имамдарының  онлайн режиміндегі  басқосуы өтті.  Онда Қасиетті Рамазан айына дайындық мәселесі  пысықталды

КӨМЕККЕ МҰҚТАЖДАР ЕСКЕРУСІЗ ҚАЛМАЙДЫ

Сәуір 16th, 2020

Облыстық «Қызылжар» орталық мешіті  «Біз біргеміз» және “Жүрек жылуы” акциялары аясында әлеуметтік көмекке мұқтаж петропавлдық отбасыларға қайырымдылық көмек көрсетуде.

ҚАЙЫРЫМДЫЛЫҚ КӨМЕК КӨРСЕТТІ

Наурыз 26th, 2020

Облыстық «Қызылжар» орталық мешіті  «Біз біргеміз» акциясы  аясында көпбалалы отбасыларға қайырымдылық көмек көрсетті.

Еліміздегі төтенше жағдайға байланысты жарияланған «Біз біргеміз» акциясы халық арасында үлкен қолдауға ие болып, түрлі қайырымдылық шараларына бастау берді. Қазіргі сын-қатерге толы кезеңде әсіресе көпбалалы және тұрмысы төмен отбасыларға жан-жақты көмек қажет. Осыны ескерген қызылжарлық имамдар он шақты отбасы үшін азық-түлік пакеттерін жинап, үйді-үйге жеткізіп берді. Карантин уақытында аса қажетті деп табылатын азық-түлік түрлерімен және балаларға арналған тәттілермен қамтамасыз етілген отбасылар мешіт ұжымына алғыстарын айтты.

САҚТЫҚ ШАРАЛАРЫ – БАСТЫ ОРЫНДА

Наурыз 17th, 2020

Елімізде жарияланған төтенше жағдайға байланысты көпшілік арасында мешітте жамағатпен оқылатын намазға қатысты, сонымен қатар мешіттердің жанындағы асханаларда өтетін ас-садақалардың өтуі туралы сұрақтар туындағаны рас. Кешегі күні,жұртшылықты көп күттірмей,ҚМДБ сайтында төтенше жағдай жарияланған кезде мешітте жұма және бес уақыт намаз оқуға қатысты пәтуә жарияланды.  Осыған байланысты облыстық «Қызылжар» орталық мешітінің бас имамы Кенжетай қажы Дүйсенбай жергілікті мешіттерде қолға алынып отырған сақтық шаралары туралы түсіндіріп берді. Оның айтуынша, төтенше жағдай кезінде мешіттер жабылмайды.  Дегенмен, індеттің таралу қаупі жоғары болуына байланысты мешітте жамағатпен намаз оқылмайды. Әркім бес уақыт намаз бен жұма намазын үйлерінде оқуы тиіс.  «Сол сияқты көп адамның бір жерге шоғырлануының алдын алу үшін мешіт асханаларында берілетін құдайы ас, садақаларға уақытша шектеу қойылып отыр. Бұл – мешіт қабырғасында ғана емес, барлық жерлерде де орындалуы тиіс талап. Ал жаназаға, неке қию рәсімдеріне жақын туыстардан құралған шағын топтың ғана қатысуына кеңес беріледі», – дейді бас имам.

Return to Top ▲Return to Top ▲