28.03.2020 23:48

ҚМДБ: ҚОҒАМДЫҚ ТЫНЫШТЫҚ — АСА МАҢЫЗДЫ ҚҰНДЫЛЫҚ

Февраль 8th, 2020

Жамбыл облысы Масанчи ауылындағы келеңсіз жағдай бізді де алаңдатып отыр. Мұсылман баласының мәселенің анық-қанығын білместен, дауға араласып, өз бауырына зарар тигізуі дұрыс емес. Азаматтарымызды ортақ ымыраға шақырамыз. Жекелеген адамның өзара келіспеушілігі бұқаралық сипат алып кетпеуі керек деп ойлаймыз. Өйткені, ардақты пайғамбарымыз Мұхаммед (оған Алланың салауаты мен сәлемі болсын) мұсылман үмбеті жақсы істер үшін ғана жиналатынын өсиет еткен. Пайғамбар жолын ұстанған мұсылман мұндай амалға әсте бармайтыны белгілі.

СҚО мешіттерінде садақа терминалдары орнатылды

Февраль 6th, 2020

ҚМДБ төрағасы, бас мүфти Серікбай қажы Ораздың тапсырмасы бойынша еліміздің мешіттеріне түсетін қаржының ашықтығын қадағалау мақсатында садақа қабылдау терминалдарын орнату тапсырылған болатын. Осыған байланысты Солтүстік Қазақстан облысының «Қызылжар» орталық мешітімен қатар қалалық «Нұр» мешітіңде, Тайынша, Ақжар, Шал ақын, Қызылжар, Уалихан аудандық мешіттеріне, жалпы 7 садақа қабылдайтын арнайы терминалдар орнатылды

<div class=»clearfix»></div>

Әйелдер арасында Құран оқу жарысы өтті

Февраль 4th, 2020

СҚО «Қызылжар» орталық  мешітінің жанындағы әйел-қыздар секторының ұйымдастыруыменен Құран оқу жарысымен қатар Алланың 99 сипатын жатқа білуден сайыс өтті. Игі іс-шараға 50ге жуық әйел адамдарменен қыз балалар қатысты. Қос номинацияда жүлделі болған қатысушылар марапатталып, бағалы сыйлықтар табысталды.

Иманды жас

Февраль 4th, 2020

СҚО «Қызылжар» орталық мешітінің жанынан құрылған жергілікті ақпарат насихат тобының мүшесі, қалалық «Нұр» мешітінің наиб имамы Шәріпов Қадырбек Қуанышұлы  М.Қозыбаев атындағы Солтүстік Қазақстан мемлекеттік университетінің студенттеріменен «Иманды жас» тақырыбында кездесу өткізді. Жиналған жастар аталмыш тақырыптағы баяндамадан кейін, көкейтесті сұрақтарына толыққанды жауап алды.

Абайтанымдық бұрыш ашылды

Февраль 3rd, 2020

ҚМДБ төрағасы, Бас мүфти Серікбай қажы Ораз хазреттің тапсырмасы бойынша СҚО «Қызылжар» орталық мешітінде хәкім Абайдың 175 жылдығына орай танымдық бұрышы ашылды. Мешітке келген әр жамағат енді ұлы Абайдың өмірбаяны мен еңбектері жинағын пайдалана алады. Алдағы уақытта Абайтану тақырыптары бойынша шығармашылық бәйгелер ұйымдастыру жоспарлануда.

Return to Top ▲Return to Top ▲