5.06.2020 10:24

ҚАР ТАЗАЛАУҒА КӨМЕКТЕСТІ

Март 13th, 2020

 Қалалық «Мухсин» мешітінің имамы Абылай Құрсақов бастаған  еріктілер тобыжағдайы төмен петропавлдыққа қар тазалауға көмектесті.

«Береке» ауданындағы Калинин көшесінде тұратын Алексей есімді азаматтың үйінің маңын көктемгі су басу қаупі бар-тұғын.  Осыны ескерген мешіт қызметкерлері мен жамағаты қолдарына күрек алып, көршілестұрғынға көмекке келді. Олар  баспана шатырындағы қарды түсіріп, үйдің маңайында жатқан қалың қарды сыртқа шығарды.

АБАЙ МҰРАЛАРЫН ДӘРІПТЕДІ

Март 12th, 2020

Ақжар ауданының «Үлкен-Қараой» мешіті жанындағы жастар ісі секторы аудандық кітапханада Абай Құнанбайұлының 175 жылдығына арналған әдеби-танымдық кеш өткізді. Іс-шараға Талшық ауылының мешіт қызметкерлері, кітапхана ұжымы,  мектеп ұстаздары мен шығармашыл жастары қатысты. Абай мұраларын дәріптеуге арналған кеште ұлы ақын өлеңдері оқылып, әндері шырқалды. Сондай-ақ қатысушылар кітапхана ұжымы дайындаған «Абай әлемі» атты көрмені тамашалады.

ОҚУШЫЛАРМЕН ЖҮЗДЕСТІ

Март 12th, 2020

«Нұр» мешітінің наиб имамы Қадырбек Шәріпов Сафуан Шаймерденов атындағы қалалық классикалық гимназияның жоғары сынып оқушыларымен кездесті.

Петропавл қалалық мешітінің қызметкері жастарға діни экстремизм мен терроризм және олардың қоғамға  төндірер қауіп-қатері  туралы  баяндап, әңгіме жүргізді. Сонымен қатар дәстүрлі діни құндылықтарды насихаттай отырып, жат ағымдардан сақтану жолдары жайында сөз  қозғады. Дін қызметкерін ұйып тындаған оқушылар өздерін қызықтырған сұрақтарды ортаға салып, толыққанды жауап алды. 

РЕСПУБЛИКАЛЫҚ ЖАРЫСҚА ЖОЛДАМА АЛДЫ

Март 10th, 2020

Қазақстан мұсылмандары діни басқармасының ұйымдастыруымен  17-19 сәуір күндері Алматыда Құран Кәрімді жатқа және мәнерлеп оқу бойынша ІХ республикалық Құран жарысы өтеді. Осыған орай  «Қызылжар»  орталық мешіті өңірлік іріктеу кезеңін ұйымдастырып,  республикалық деңгейде Солтүстік Қазақстан облысы намысын қорғаймын дегендердің арасынан үздіктерді анықтады.

КІШКЕНЕКӨЛДЕГІ АБАЙ ОҚУЛАРЫ

Март 5th, 2020

Абай Құнанбаевтың 175 жылдығына арналған әдеби-танымдық  байқаулар аудандарда да жалғасын табуда. Кеше  Уәлиханов аудандық ішкі саясат және білім бөлімдерінің ұйымдастыруымен аудан орталығындағы Қожахмет хазрет мешітінде мектеп оқушылары арасында Абай өлеңдері мен қара сөздерін жатқа оқу сайысы өтті.  «Алланың өзі де рас, сөзі де рас» атты бұл шараға Кішкенекөл, Бидайық, Ақтүйесай, Қодыбай, Өндіріс, Мортық , Тілеусай және  Жас Ұлан ауылдарынан  жетпіс шәкірт қатысты. Ұлы ақын өлеңдерін үздік оқыған бастауыш сынып оқушылары мен ересек балалар үшін  жекелей  жүлделі орындар тағайындалды.  Байқауға демеушілік еткен азаматтардың арқасында қатысушылардың барлығы да сыйлықсыз қалмағанын айта кету керек .  Жалпы бұл іс-шараға 340 мың теңге жұмсалды.  

Return to Top ▲Return to Top ▲