19.10.2019 03:04

«Вайнах» шешен-ингуш қоғамдық бірлестігінің өкілдері ауызашар берді

Июнь 12th, 2018

«Вайнахтың» бүкіл мүшелерінің атынан өткен бейсенбіде берілген ауызашарға көп жамағат жиналды. Өңір орталығындағы бүкіл диаспоралардың өкілдерін ауызашарға шақырған шешен-ингуштар қонақжай екендіктерін көрсете білді.

Ауызашарда бірнеше диаспораның жетекшілері ақ тілектерін білдірді. Жиналған жамағат  «Қызылжар» орталық мешітінің наиб имамы Файзиев Мухаммед Қутбтың Рамазан айының қадір-қасиеті туралы айтқан уағызын ден қойып тыңдады.

Әзірбайжан диаспорасы дастарқан жайды

Июнь 11th, 2018

Оразаның алтыншы күні облыс орталығындағы әзірбайжан диаспорасының өкілдері ауызашар берді. Оған жиналған жамағат «Қызылжар» орталық мешітінің үлкен асханасын лық толтырды.

Онда «Қызылжар» орталық мешітінің бас имамы Кенжетай қажы Байкемелұлы ораза парызының маңызы туралы қазақ және орыс тілдерінде баяндап берді. Одан кейін әзірбайжан диаспорасының жетекшісі Шыңғыс Құрбанов жиналғандарға алғысын айтты. Түрік, қырғыз, ауған, тәжік және шешен-ингуш диаспораларының жетекшілері рамазан айына орайласқан игі тілектерін білдірді.

Үлкен сауаптан үміт мол

Июнь 8th, 2018

Мұхаммед пайғамбар (с.ғ.с): «Рамазан айында ауызы берік адамға су беріп, ауыз аштырған адам анасынан жаңа туғандай күнәсіз болады», — деген екен. Шынында да, ауызашар берудің сауабы орасан зор. Ораза сайын осындай сауапқа кенеліп жүрген азаматтар аз емес.
Оразаның бесінші күні Петропавл қаласының бірнеше кәсіпкер «Қызылжар» орталық мешітінде ауызашар берді. Мешіттің үлкен асханасы мен екі киіз үйде берілген ауызашарға 300-дей адам жиналды.ҚМДБ-ның СҚО бойынша өкіл имамы, «Қызылжар» орталық мешітінің бас имамы Кенжетай қажы Байкемелұлы ораза парызының қыр-сыры хақында уағыз айтты.

Жарайсыңдар, Қызылжар қажылары!

Июнь 8th, 2018

Қызылжар қажыларының бесінші парызын орындағандар арасында Қазақстанда бірінші болып ауызашар беруі қасиетті жұма күніне тұспа-тұс келді. «Қызылжар» орталық мешітінің ішіне де (асханасы), сыртына да (ауладағы киіз үйлерге) жайылған көп дастарқан 400-ден артық жамағатты тоғыстырды.

Қажылар қайырымдылықтың үлгісін көрсете білді: ауызашарға Смирнов қарттар үйі мен жетім балаларға арналған облыстық мектеп-интернатының бір топ өкілдері арнайы шақырылыпты. Сондай-ақ бақилық болған қажылардың туыстарының ауызашар дастарқанынан дәм татқандары есте қалатын жәйт.

Қасиетті Рамазан айында облыстық «Қызылжар» орталық мешітінде берілген алғашқы ауызашар

Июнь 8th, 2018

Соңғы жылдары қалыптаса бастаған дәстүрге сай биыл қасиетті рамазан айының бірінщі ораза күннің ауызашарың Қызылжар орталық мешіті берді.

Арнайы шақырылған қонақтар және ақшам намазынан шыққан жамағат мешіттің екі асханасын ғана емес, аулаға тігілген екі киіз үйді де лық толтырды.

Сауапты шара – ауызашарға жиналған жұртшылықты Рамазан айымен басталуымен құттықтаушылар көп болды: облыстың құрметті азаматтары және қажы аналар, тағы басқалары. Мұсылман диаспораларының жетекшілері де лебіздерін білдірді. Олардан соң сөз алған ҚМДБ-ның СҚО бойынша өкіл имамы, «Қызылжар» орталық мешітінің бас имамы Кенжетай қажы Байкемелұлының құттықтап білдірген алғысы жүректерге жетіп жатты.

Мереке сияқты өткізілген ауызашардың соңы марапатқа ұласты. Дінімізді өркендетуге және салт-дәстүрлерімізді дәріптеуге үлес қосып жүрген қайырымды азаматтарға ҚМДБ-ның облыстық филиалының Алғыс хаттарымен марапатталды.

Return to Top ▲Return to Top ▲