17.11.2019 03:41

СҚО имамдары делегациясы III Республикалық имамдар форумында

Октябрь 23rd, 2019

Елордада Қазақстан мұсылмандары діни басқармасының ғимаратында өтетін «Рухани құндылықтар – қоғам бірлігінің негізі» атты ІІІ республикалық имамдар форумына 500 дін қызметкері, оның ішінде Солтүстік Қазақстан облысынан 17 имам қатысуда. 

Форумға мемлекеттік жоғары лауазымдағы тұлғалар, уәкілетті саладағы басшылар, депутаттар, еліміздің әр аймағынан келетін 500 имам қатысады. 

ЖАНТ мүшесі «Дін Мұхаммет» мешітінде

Октябрь 21st, 2019

Ү.ж 18-қазанында, қасиетті жұма күнінде жергілікті ақпарат насихат тобының кезекті сапарында ЖАНТ мүшесі, СҚО «Қызылжар» орталық мешітінің наиб имамы Мирзаев Мухаммадзахир Петропавл қалалық «Дін Мұхаммед» мешітінің жамағатыменен кездесті. Қазақстан мұсылмандары діни басқармасы бекіткен «Тақуалық» тақырыбында уағыз айтылып, жамағаттың көкейтесті сұрақтарына жауап берілді. Кездесудің соңында мешіт жамағаты алғыстарын білдіріп, ақсақалдары баталарын берді.

Мағжан Жұмабаевпен Аққайын аудандарында жаңа Бас имамдар тағайындалды.

Октябрь 21st, 2019

Ү.ж 18-қазанында қасиетті жұма күнінде өңіріміздегі екі ауданда жаңа Бас имамдар тағайындалды. М.Жұмабаев ауданы «Береке» мешітіне осы уақытқа дейін СҚО «Қызылжар» орталық  мешітінде наиб имам қызметін атқарып келген Сайдалин Айбек  Оразымбет ұлы тағайындалды. Қазақстан мұсылмандары діни басқармасының төрағасы, бас мүфти Серікбай қажы Ораз Сатыбалдыұлының бұйрығын «Қызылжар» қалалық мешітінің Бас имамы Исаев Қасымхан Абдолла ұлы оқып, жамағатпенен жаңа бас имамды таныстырды.

Қарттарға құрмет көрсетілді

Октябрь 8th, 2019

ҚМДБ-ның СҚО бойынша өкілдігінің ұйымдастыруменен Петропавл қаласының мешіттерінде халықаралық қарттар күніне орай «Қарттар біздің қазынамыз», «Кәрінің бары – игі» атты мерекелік шаралар өткізілді.

ҚМДБ ТӨРАЛҚА МӘЖІЛІСІ ӨТТІ

Октябрь 8th, 2019

Бүгін Елордада Бас мүфти Серікбай қажы Ораздың төрағалығымен Қазақстан мұсылмандары діни басқармасының кезекті Төралқа мәжілісі өтті.

Мәжіліс жұмысына ҚМДБ төрағасының Бірінші орынбасары Наурызбай қажы Тағанұлы, наиб мүфти Бауыржан Есмахан, ҚМДБ Аппарат басшысы Ғылымбек Мәжиев, Бас мүфти кеңесшісі Балтабай Мекежанов, бөлім меңгерушілері мен облыстың бас имамдары қатысты.

Return to Top ▲Return to Top ▲