23.07.2019 09:31

ҚАРТТАР ҮЙІ

Апрель 3rd, 2018

«Қарттарым – асыл қазынам» деп өскен қазақ халқы қашан да үлкенге құрмет, кішіге ізет көрсеткен. Мұсылман елі болып саналатын қазақ даласында жетімдер үйі, қарттар үйі деген ұғым жоқ. Дегенмен, заман солай ма, адам баласының қаталдығын алға тартамыз ба, әйтеуір бұл «үйлер» көбеюде…
Қариясын құрметтеп, жетімін жылатпаған халықтың мұндай күйге түскеніне күйініп, нали қарайсың.. Әлі де болса заман түзелер, баяғы дәурен қайта оралар деп дұға қыласың…
19 наурыз күні «Қызылжар» орталық мешітінің бас имамы Дүйсенбай Кенжетай қажы Байкемелұлы бастаған мешіт жамағатының «Әжелер мектебі» мен «Әйел-қыздар» секторының шәкірттерімен бірге Аққайың ауданының қарттар үйіне барып қайтқан болатын.
Халида қажы Мыңайдарқызы бастаған шәкірттеріміз қарттар үйінде бар өнерлерін көрсетіп, көңілдері жарым болған қарт кісілердің көңілдерін көтеріп, баталарын алды. Концерт барысында әуезді күй шертіліп, ән шырқалып, өлеңдер оқылды. Іс-шара соңы мерекелік дастарханға ұласып, қарттарымызға азын-аулақ сыйлықтар табысталды.
Қазыргі таңда осы қарттар үйінде 350-ден астам мүгедек және қарт адамдар тұрып жатыр. Арасында ардагерлер, еліне еңбегі сіңген қариялар да жоқ емес…

Инабатты қыз – ұлт болашағы

Апрель 3rd, 2018

16 наурыз күні Қызылжар өңірінде «Инабатты қыз – ұлт болашағы» атты қыздар байқауы өтті. Іс-шараны облыстық «Әжелер мектебі» мен Петропавл қаласы қалалық білім бөлімі жанындағы «Рухани жаңғыру» кеңесі, «Әл-Фараби» мектеп-лицейі «Қыз Жібек» қыздар клубы ұйымдастарды. Қазақ халқының ұрпақтан-ұрпаққа жалғасып келе жатқан даналығы мен терең саналығын бойына терең дартықан қазақ қыздарының болмысы, мінезі мен жүріс-тұрысы, ақылы, шеберлігі, өнері бағаланып, болашақ қазақ елінің ару қыздарының бейнесін сомдау. Жалпы, байқау 5 кезеңнен тұрды: 1. «Мен қазақтың инабатты қызымын» таныстыру. 2. «Қазақ руханияты менің жүрегімде» даналық ұғымдардың мағынасын ашу. 3. «Инабатты қазақ қызының өнері» бойға дарыған өнерді көрсету. 4. «Инабатты қыздың ойы озық» интеллектуалдық сайыс. 5. «Инабатты қыз – кестесімен көркем» ұлттық қолөнер бойынша сынға түсті. Әр мектептен (8,9,10 сыныптар аралығында) бір үміткер қатысты. Сайысқа әділ төрағалық еткен «Әжелер мектебінің» төрайымы Ырысжамал апа Әбенова байқау қатысушыларына өзінің ізгі тілектерін жеткізіп, қыздарымызды атаулы номинациялар бойынша марапаттады.

ҚМДБ: ЕУРАЗИЯ МҰСЫЛМАН ҒҰЛАМАЛАРЫ ФОРУМЫНЫҢ ҚАРАРЫ ҚАБЫЛДАНДЫ

Март 5th, 2018

Бүгін Астанада «Еуразия кеңістігіндегі Ислам өркениеті: өткені, бүгіні және болашағы» атты тақырып аясында өткен Еуразия мұсылман ғұламаларының форумында халықаралық шараға қатысушылардың Қарары қабылданды.
Қарар мәтінін Қазақстан мұсылмандары діни басқармасының наиб мүфтиі Бауыржан Есмахан оқып берді.
«Қоғамның дәстүрлі негіздеріне қауіп төніп жатқан кезеңде әртүрлі діни конфессия өкілдері арасындағы диалогтың өзектілігі күрт артуда. Мұсылман үмбетінің бірлігіне насихаттық үлгі әрі іргетас қалыптастыруды мақсат ететін Еуразия елдерінің рухани жаңғыру Тұжырымдамасы әзірленсін. Мұсылман қоғамында сұранысқа ие классикалық еңбектер бірнеше тілге аударылсын. Форумның тұрақты Хатшылығы құрылсын», – делінген қабылданған Қарар мәтінінде.

БАС МҮФТИ ВИЦЕ МИНИСТРДІ ҚАБЫЛДАДЫ (ФОТО)

Декабрь 13th, 2017

Астанада Қазақстан мұсылмандары діни басқармасының төрағасы Серікбай қажы Ораз ҚР Дін істері және азаматтық қоғам вице министрі Берік Арын бастаған лауазымды мемлекеттік қызметкерлерді қабылдады.

ҚМДБ: 940 АДАМ РАДИКАЛДЫ РАЙЫНАН ҚАЙТТЫ

Декабрь 5th, 2017

Бұл туралы мәлімет Алматы қаласында өтіп жатқан Қазақстан мұсылмандары діни басқармасының 2017 жылғы қорытынды есебінде ресми жарияланды.

Return to Top ▲Return to Top ▲