«АЛЛАНЫҢ ӨЗІ ДЕ РАС, СӨЗІ ДЕ РАС» Хәкім Абайдың мұраларын насихаттауға арналған кеш өтті

Ақпан 24th, 2020

Хәкім Абай Құнанбайұлының 175 жылдығына орай  «Қызылжар» орталық мешітінде     «Алланың өзі де рас, сөзі де рас» атты әдеби-танымдық байқау өтті. Оған қатысқан жиырмадан астам студент пен оқушы ұлы ақынның өлеңдері мен қара сөздерін жатқа оқып,  өмірі мен өзге де шығармашылығы жайында білімдерін көрсету бойынша сынға түсті. Тамаша өнер көрсетіп, жұртты сүйсіндірген  жастар арнайы сыйлықтарға ие болды.

ПРЕЗИДЕНТ ҚАСЫМ-ЖОМАРТ ТОҚАЕВ «ӘЗІРЕТ СҰЛТАН» МЕШІТІНЕ КЕЛДІ

Ақпан 24th, 2020

Мемлекет басшысы Қасым-Жомарт Тоқаев «Әзірет Сұлтан» мешітіне келіп, Қазақстан мұсылмандары діни басқармасының жаңадан сайланған бас мүфтиі Наурызбай қажы Тағанұлымен кездесті. Бұл туралы Президент баспасөз қызметі хабарлады.

Қазақстан Президенті бас мүфтиді жаңа лауазымымен құттықтап, алдағы қызметіне табыс тіледі. Кездесу барысында елдегі татулық пен тұрақтылықты сақтау, дін арқылы азаматтарды келісім мен ынтымаққа шақыру, рухани бағдар беру қажеттілігі мен  жат діни ағымдардың зиянды әрекеттері жайында айтылды.

«АШЫҚ ЕСІК» КҮНІ ӨТТІ

Ақпан 20th, 2020

Петропавл қалалық “Нұр” мешіті кезекті «Ашық есік» күнін ұйымдастырып, «Дін мен дәстүр сабақтастығы» тақырыбында танымдық іс-шара өткізді. Онда  қалалық   мешіттің найб имамы Қадырбек Шәріпов ер шәкірттерге арнап сонау заманнан бері жалғасып келе жатқан дәстүрлі дініміз бен әдет-ғұрпымыздың мән-маңызы  туралы әсерлі уағыз айтты. Қатысушылар наиб имамға өздерін қызықтыратын сұрақтар қойып, толыққанды жауап алды.

Ұмра сапарына шығарып салды

Ақпан 19th, 2020

«Қызылжар» орталық мешітінде көп жылдардан бері  іс басқарушы болып қызмет етіп келетін Кеңес Омарұлы кіші қажылыққа атанды. Ақсақал Меккеге сапар шегіп, мұсылмандық парызын өтеу мүмкіндігіне  «Ұлағатты ұрпақ» қайырымдылық қорының арқасында ие болды. 

Бас имам Кенжетай қажы Дүйсенбай бастаған мешіт қызметкерлері Кеңес Омарұлын алыс жолға салтанатты түрде шығарып салды. Олар ақ тілектерін жаудырып, жол амандығын тілей отырып, ақсақал иығына шапан жапты.

ІРІКТЕУ КЕЗЕҢІ ӨТТІ

Ақпан 19th, 2020

Алланың өзі де рас, сөзі де рас… Қазақтың ұлы ақыны, ағартушы, ойшыл, философы Абай Құнанбайұлының  175 жылдығына орай Қызылжар орталық мешіті осындай атаумен жастар арасында әдеби-танымдық байқау өткізбек.

Ақын мұраларын танып қана қоймай, өлеңдерін жатқа айтып жүрген жастарымыз көп-ақ. Кеше олардың арасынан ең мықты дегендерін анықтап, байқауға жолдама беру мақсатында алғашқы іріктеу кезеңі өтті. Оған жиырмаға жуық студент келіп қатысты.

Return to Top ▲Return to Top ▲