ШӘКІРТТЕРГЕ – ӘЛЕУМЕТТІК ҚОЛДАУ

Наурыз 3rd, 2020

Қазақстан мұсылмандары діни басқармасының төрағасы, Бас мүфти Наурызбай қажы Тағанұлының тапсырмасы бойынша «Зекет» корпоративтік қорының ұйымдастыруымен Солтүстік Қазақстан облысының жоғары және арнаулы білім беру ұйымдарында оқитын әлеуметтік қолдауға мұқтаж екі студентке шәкіртақы тағайындалды. СҚО «Зекет» қоры атынан  қалалық «Қызылжар»  мешітінің бас имамы Қасымхан Исаев  аталған қолдауға ие болғандардың бірі – Солтүстік Қазақстан кәсіби-педагогикалық колледжінің студентімен кездесіп, қаражатты  табыстады. Жергілікті  «Зекет» қорының екінші шәкіртақысы Ғабит Мүсірепов атындағы ауданның тумасына тағайындалып отыр.

ТҰҢҒЫШ ПРЕЗИДЕНТ БАС МҮФТИ НАУРЫЗБАЙ ҚАЖЫ ТАҒАНҰЛЫМЕН КЕЗДЕСТІ

Ақпан 27th, 2020

Елордада Тұңғыш Президент – Елбасы Нұрсұлтан Назарбаев Бас мүфти Наурызбай қажы Тағанұлымен кездесті. Бұл туралы Елбасының баспасөз қызметі хабарлады.

Кездесу барысында дін саласының қазіргі ахуалы талқыланып, Қазақстанның тарихи және рухани байлығын сақтауға бағытталған шараларға назар аударылды.

ЕРЕЖЕП – АЛЛА ТАҒАЛАНЫҢ АЙЫ

Ақпан 26th, 2020

Қасиетті төрт айдың бірі – Ережеп айының басталуына орай кеше  «Қызылжар» орталық мешіті петропавлдық қарт-қариялар мен жамағат қауым  үшін ауызашар берді.

Абай – 175: ҚЫЗЫЛЖАРДА ЖЫР МҮШАЙРАСЫ ӨТТІ

Ақпан 26th, 2020

Өңірімізде Абай Құнанбаевтың 175 жылдығына арналған іс-шаралар легі жалғасуда. Ұлы ақын мұраларын насихаттап, жас ұрпақты әдеби шеберлікке баулуға бағытталған игі істерге «Қызылжар» орталық мешіті де белсене атсалысуда. Күні кеше ғана Алла үйінде Абай өлеңдерін оқудан өңірлік байқау өтсе, бүгінмешіт өңіріміздің орталығындағы  Ғабит Мүсірепов атындағы облыстық балалар мен жасөспірімдер кітапханасында өткен «Өлең – сөздің патшасы» атты аймақаралық жастар жыр мүшайрасына демеушілік қолдау көрсетті.  Кітапхана ұжымы ұйымдастырған жыр сайысына Ақмола, Қарағанды, Павлодар және Солтүстік Қазақстан облыстарының  дарынды  жас ақындары қатысты. «Қызылжар» орталық мешітінің бас имамы Кенжетай қажы Дүйсенбай үлкен сайыс  алдында қатысушыларға ақ батасын беріп,  сәттілік  тіледі. Қаламы ұшқыр дарын иелерін  үстіміздегі жылғы атаулы даталармен құттықтап, бұл мерейтойлардың тиісті түрде мерекеленуіне жас ақындар да өзіндік үлесін қосып отырғанына ризашылығын білдірді.

МЕРЕЙТОЙ ИЕСІН ҚҰТТЫҚТАДЫ

Ақпан 25th, 2020

«Қызылжар» орталық мешіті жанындағы әжелер мектебінің негізін қалаған  Рысжамал Бекетқызы 75 жасқа толып отыр.  Осыған орай Сәбит Мұқанов атындағы облыстық ғылыми-әмбебап  кітапханада салтанатты іс-шара өтіп, қаламыздың қадірлі азаматы, талай ұрпақты тәрбиелеп, білім нәрінен сусындатқан ардақты ұстазды замандастары, білім саласының өкілдері, әжелер мектебінің мүшелері  мен орталық мешіт қызметкерлері құттықтады.   Наиб имам Аян Алыпқашев  мерейтой иесінің әжелер мектебімен бірге жастар тәрбиесіне, әсіресе, қыздардың өнегелі тәлім алып, иманды болып өсуіне барынша үлес қосып жүргеніне алғыс білдірді. Мешіт қызметкерлерінің ізгі тілектерін жеткізе отырып, гүл шоқтарын табыс етті.  Ал әжелер мектебінің бүгінгі төрайымы Сәлима апай мерейтой иесіне шапан кигізді.

Return to Top ▲Return to Top ▲